Ұлытау облыстық ПД-да үздік анықтаушылар марапатталды, – деп хабарлайды Polisia.kz.
Анықтаушының жұмысы жауапты әрі қажырлы. Бұл мамандардың басты міндеті – қылмыстың барлық егжей-тегжейін қалпына келтіру, қылмыс жасаған адамдардың әрекеттерінің себептерін мұқият түсіну. Ұлытау облысы полиция департаментінің бастығы Қ.Әлиев ПД анықтаушыларын кәсіби мерекесімен құттықтай отыра, ІІМ-нің Көтермелеу туралы 2023 жылғы 5 қырқүйектегі № 494 ж/қ бұйрығына сай, қызметтік міндеттерін адал атқарғаны, жоғары кәсіптілік және 2023жылғы 8 айының қорытындысы бойынша жоғары көрсеткіштерге қол жеткізгені үшін «Құқық тәртібін қамтамасыз етуге қосқан үлесі үшін» медалімен бірқатай қызметкерлер марапатталды.
Атап айтар болсақ, Ұлытау облысы полиция департаметінің Сатпаев қаласы полиция бөлімінің анықтау тобының аға анықтаушысы Арман Байпаковқа «Қазақстан полициясына 30 жыл» медалі, Ұлытау облысы полиция департаметінің Ұлытау ауданы полиция бөлімінің анықтау тобының аға анықтаушысы Бекзат Мұратқа II дәрежелі «Ішкі істер органдарының үздігі» төсбелгісі табысталды.
Сондай-ақ Ұлытау облысы полиция департаметінің анықтау басқармасының аса маңызды істер жөніндегі аға анықтаушысы Марал Сулейменова Қазақстан Республикасы ішкі істер министрінің грамотасымен, Қаражал қаласының полиция бөлімінің анықтау тобының анықтаушысы Тұрар Мұқажанов ішкі істер министрінің алғыс хатымен, Ұлытау облысы Полиция департаметінің анықтау басқармасының аға анықтаушысы Нұрлыбек Балатай марапатталды.
