Жаздың бірінші күні тәртіп сақшылары Қазақстан полициясының 30 жылдығына арналған «30 игі іс» акциясына қатысып, Көкшетау қаласындағы қан орталығына барып, қан тапсырды, – деп хабарлайды Polisia.kz.
Ақмола полицейлері орталықтың жиі келушілері, сондықтан медицина қызметкерлері оларды еріктілер арасынан көргендеріне қуанышты.
Донорлық қан – адам өмірін сақтаудың кепілі. Полиция департаменті мен Көкшетау қаласы басқармасының 40-қа жуық қызметкері қан доноры болуға ниет білдірді. Қажетті құжаттарды толтырып, полицейлер клиникалық-биохимиялық зертханада медициналық тексеруден өтті. Тәртіп сақшыларын терапевттер тексерді. Міндетті рәсімдерден өткеннен кейін қызметкерлерге донацияға рұқсат беріледі. Полиция қызметкерлері үшін қан тапсыру дәстүрге айналған. Полиция қызметкерлері мамандықтарын өмірге қауіппен байланысты екенін мойындайды. Сондықтан погон таққан донорлар донорлықтың қаншалықты маңызды екенін біледі. Полиция қызметкерлері өз үлгісімен қан донорларының қатарына мүмкіндігінше көп азаматтарды тартқылары келеді.
– Полиция департаментінің қызметкерлері тұрақты түрде қан тапсырып отыратыны қуантады. Олардың арасында құрметті донорлар да бар. Мәселен, Серғазы Мейерманов сирек қан фенотипі бар донор. Біз оның эритроциттерін кейде диагностикалық материал ретінде қолданамыз. Өткен аптаның соңынан бастап біздің облыстың медициналық ұйымдарына деген қажеттіліктің артуына байланысты қан қоры күрт төмендей бастады. Бұл ауа райының өзгеруіне байланысты шығар. Қан құюды мұқтаж ететін адамдарға ол қатты әсер етеді. Сондықтан бүгін полиция қызметкерлеріне осындай игі іске атсалысқандары үшін алғыс айтқым келеді, – деп бөлісті донорларды жинақтау бөлімінің меңгерушісі Разина Салихова.
– Адамдарға көмектесу – біздің жұмысымыз. Бүгін біз тапсырған қан бірнеше адамның өмірін сақтап қалуға көмектеседі деп сенемін, – дейді Полиция департаментінің процессинг орталығының мемлекеттік автоинспекторы Диния Байдракова.
Өткен жылы осындай акцияны өткізу барысында 40-тан астам тәртіп сақшылары қан доноры болды. Акцияға қатардағы полицейлер ғана емес, басқарма басшылары да қатысты.
