Павлодар облысының тұрғыны 500 мың теңге тұратын радиаторларды ұрлады деген күдікпен ұсталды, – деп хабарлайды Polisia.kz.
Кезекші бөлімге Павлодар қаласындағы бір ЖШС-нің заңгері белгісіз адамдар салынып жатқан ғимаратқа еніп, 25 алюминий жылыту батареяларын ұрлағаны туралы арызданған. Жалпы шығын 500 мың теңгені құрады.
Жедел-іздестіру іс-шараларын жүргізу барысында полиция қызметкерлері ғимараттың өзін мұқият тексеріп, жақын маңдағы аумақтарды аралап, куәгерлерден жауап алды.
Жүргізілген іс-шаралардың нәтижесінде күдікті ұсталды. Ол бұған дейін осындай қылмысы үшін сотты болған 32 жастағы тұрғын болып шықты. Тергеу барысында анықталғандай, қаскүнем өткізу мақсатында батареяларды ұрлап, ақшасын өз қажеттіліктеріне жұмсағаны анықталды. Ұрланған мүліктің бір бөлігі заңды иесіне қайтарылды.
Қазіргі уақытта ұрлық фактісі бойынша ҚР ҚК 188-бабы бойынша сотқа дейінгі тергеу жүргізілуде.
Полицейлер тұрғындарға мұқият болуға және өз мүліктерін қараусыз қалдырмауға кеңес береді. Егер сіз осындай қылмыстардың құрбаны немесе куәгері болсаңыз, дереу полицияға «102» телефоны бойынша хабарласыңыз.
