Петропавл тұрғындары мен полицейлер есте сақтау қабілеті нашар әжейге көмектесті, – деп хабарлайды Polisia.kz.
Әлеуметтік желілер – полиция мен тұрғындар арасындағы байланыс құралына айналды. Петропавл тұрғындары қоғамдық қауіпсіздікпен байланысты жарияланымдардың астында орналастырылатын ресми жауаптарды желіде жиі көріп тұрады. Тақарыптар әр түрлі: жол-көлік оқиғалары, жол жүрісі қағидаларының бұзушылықтары, жол-көлік инфрақұрылымының кемшіліктері, қоғамдық тәртіптің бұзушылықтары. Полицейлер тұрғындардың жазған сауалдарын тексеріп, қабылданған шаралар туралы нәтижені жариялайды.
28 желтоқсан күні Instagram желісінде қала тұрғыны такси қызметімен айналысатын жұбайының түн ішінде тротуарда келе жатқан әбден жаураған қарияны мінгізіп алғанын жазған. Әжей мекенжайын есіне түсіре алмаған. Такси жүргізушісі полицияға шақырған. Автор өзінің ойын “Қарияның жағдайына алаңдаймыз. Туыстары табылды ма екен?” деген сөздермен аяқтапты.
Келесі күні Петропавл қалалық Полиция басқармасының полицейлері қабылданған шаралар туралы жауапты әлеуметтік желілерде орналастырды.
“Оқиға орнына келген полиция қызметкерлері әжейдің жеке басының мәліметтерін және тұрғылықты мекенжайын анықтылды. Зейнеткер пәтеріне жеткізілді” делінген.
Жалғыз тұратын 91 жастағы кейуана есте сақта қабілетінен айырылған. Патрульдік полицейлер бұл жағдай туралы учаскелік полиция пунктіне хабарлады. Учаскелік полиция инспекторы өз аумағында тұратын әжені бақылауына алды.
– Желіде орналастырылатын түсініктер заңнаманың нормаларын түсіндіруге және халқты болып жатқан оқиғалар туралы объективті хабардар етуге бағытталған. Әлеуметтік желілердегі жарияланымдарға ден қою – сервистік үлгідегі жұмысқа бағдарланған қол жетімді полиция қағидатын іске асырудағы формалардың бірі. 2021 жылы облыс полицейлері әлеуметтік желілерде 1100 астам түсініктер орналастырды, – дейді СҚО ПД бастығы Марат Төлебаев.
