ШҚО ПД тергеушісінің арқасында 26 жыл бұрын жазылған хат өз иесіне жетті, – деп хабарлайды Polisia.kz.
20 мамырда Шығыс Қазақстан облысы ПД Тергеу басқармасының аға тергеушісі Айдана Серіковаға ресейлік азаматша Надежда Лавриковадан алғыс сөздерімен бейне хабарлама келіп түсті. Ол 1996 жылы Риддер қаласында орын алған Надежданың күйеуінің өлімі туралы қылмыстық істі тергегені үшін алғысын білдірді. Айдана Серікова қылмыс жасаған адамдарды анықтап, түпкілікті процессуалдық шешім қабылдады, бірақ бұл соңы емес.
Белгілі болғандай, іс материалдарынан аға тергеуші марқұмның қызы мен әйеліне жазған, бірақ оны сол кезде Ресей Федерациясында болған туыстарына жіберіп үлгермеген хаттарын тапты.
Айдана Серікова марқұмның жақындарын тауып, оларға 26 жыл бұрын алуға тиіс хаттарды жіберуді ұйғарды. Ол әлеуметтік желілерде марқұмның әйелі мен қызын іздеп бастады, бір айдан кейін жәбірленушінің қызын тауып, оған барлық мән-жайды айтып берді.
Бұл жаңалыққа қуанған қызы анасымен де сөйлесуін өтінді. Бейнеконференцияны ұйымдастырған тергеуші Серікова істің мән-жайын, сондай-ақ оның әкесі мен жұбайын өлтірген адамды анықтау туралы айтып, олардың жақын адамы ширек ғасырдан астам уақыт бұрын жібере алмаған соңғы хаттарын көрсетті, ол оларды Ресей Федерациясының Самара қаласына жіберу туралы міндеттеме алды. Осылайша әкесі мен күйеуінің хаты жақындарына 26 жылдан кейін жетті.
Айдана Серікова бұл хатта бір кісінің өмір тарихы, қызы мен жарына деген махаббаты мен оларға жеткізе алмаған сағыныш сезімі жазылғандықтан, ол бұл хатқа мән бермей, оны жойып жібере алмағанын айтты.
