Ақтөбелік зейнеткер интернет-алаяқтықтың құрбаны болды, – деп хабарлайды Polisia.kz
Жәбірленушінің айтуынша, белгісіз адам оған телефон соғып, өзін банк қызметкері ретінде таныстырған. Бұл ретте жалған қызметкер өтініш берушінің толық сауалнамалық деректерін біліп, зейнеткердің сеніміне кірген.
Зейнеткер өзінің атынан несие алуға тырысып жатқанын айтқан алаяқты мұқият тыңдап, алаяқтың барлық нұсқауларын орындаған. Алаяқ банк бұл мәселені өз бетінше шеше алатынына сендіріп, ол үшін SMS-кодты айтуын сұраған. Алаяқтар зейнеткердің шотынан бір млн теңгеден астам ақша шешіп алған.
Кейінірек зейнеткер алдаудың құрбаны болғанын түсінген соң полицияға арызбен жүгінді.
Ақтөбе облысының Полиция департаменті облыстың барлық тұрғындарына өздерінің қарт және жақын туыстарын алаяқтардан қауіпсіздендіруді ұсынады.
