Ақпараттық медиа-портал POLISIA.KZ

ІІМ Тергеу департаментінің бастығы “Жас сарбаз” түлектерімен кездесті

ІІМ Тергеу департаментінің бастығы Санжар Әділов “Жас сарбаз” түлектерімен кездесті, — деп хабарлайды Polisia.kz.

Қазақстан Республикасы ІІМ Тергеу департаментінің бастығы Санжар Әділов Қабанбай батыр атындағы “Жас сарбаз” облыстық мамандандырылған мектеп-лицей интернатының түлектерімен кездесті.

Санжар Әділов балаларға Тергеу департаменті мен оның қызметкерлері қызметінің ерекшеліктері туралы айтып, қылмыскерлерді іздеу және тергеу әрекеттері мен сараптамаларын жүргізу тәжірибесінен өмірлік мысалдар келтірді.

– Мемлекет алға қойған стратегиялық маңызды міндеттегі мамандандырылған мектептің ерекшелігі – елдің күш құрылымдарының болашақ зияткерлік элитасын тәрбиелеу және жасөспірімдерді патриотизм, Отанға деген сүйіспеншілік, құқық бұзушылықтарға мүлдем төзбеушілік рухында тәрбиелеуге бағытталған. Сіз үшін “Мемлекет, адам, оның құқықтары мен бостандығы және Отанды қорғау” ұғымдары әрқашан терең мағынаға толы болуы керек. Сіздер біздің болашағымызсыздар және корпус тәрбиеленушілерінің көпшілігі болашақта біздің қызметімізге келеді деп сенемін. Сіздердің мүмкіндіктеріңізді көре отырып, жігіттердің болашақ полковник, генерал екеніне сенімдімін, – деді Санжар Әділов.

Тәрбиеленушілер қонақтарға өздерінің қазіргі және болашақ жоспарлары туралы айтып, робототехника сыныбын, интерактивті ату тирін, қару-жарақты меңгеру дағдыларын, саптық түзетулерді көрсетті.

Кәсіптік бағдар беру тақырыбы да қозғалды. Балаларға ІІМ жоғары оқу орындарына қабылдау тәртібі туралы егжей-тегжейлі айтып, бейнеролик көрсетілді.

– Полиция мамандығының беделі жылдан жылға артып келеді. Ішкі істер органдарының негізгі міндеті – еліміздің азаматтарының құқықтары мен заңды мүдделерін қорғау, сондай-ақ қылмыстарды жан-жақты, толық, объективті және жедел тергеу. Биыл жедел-тергеу қызметтерінің жалақысы 55%-ға артты. Сондай-ақ, аймаққа байланысты бір адамға тұрғын үй жалдағаны үшін өтемақы қарастырылған. Лицейді бітірген соң, сіз біздің ведомстволық жоғары оқу орындарында оқуды жалғастыра аласыз, — деді Санжар Әділов.

Болашақ әріптестеріне емтихан тапсыруды, өзара сыйластықты, өзара көмек көрсетуді, жанашыр болуды және әрқашан өмір мен отбасы адамның ең бастысы екенін ұмытпауды тіледі. Кездесу соңында генерал оқушылардың жеке жетілгендігін, олардың өз Отанының мүдделерін қорғауға дайын екендіктерін атап өтті.

Ал балалар Санжар Әділовтен полициядағы қызметке қатысты ақпараттық жауаптар алуға мүмкіндік алды. Көптеген сұрақтарға қарамастан, Санжар Әділов әрқайсысына назар аудара отырып, ешқайсысын жауапсыз қалдырған жоқ.

Лицей мұғалімдері ІІМ Тергеу басқармасының бастығына өскелең ұрпақпен кездесіп, жұмыс жүргізгені үшін алғыстарын білдірді.

Сондай-ақ оқыңыздар

Жауап қалдыру