Алматы полициясы көлік ұрыларын әшкереледі, – деп хабарлайды Polisia.kz.
Қостанай облысының 34 жастағы тұрғыны мен оның Ресей Федерациясынан келген 33 жастағы серігінің мойнында бөтен көліктерді ұрлаудың кем дегенде екі дерегі бар. Көлік ұрыларын әшкерелеу және ұстау іс-шарасын Алматы қаласының криминалдық полиция қызметкерлері Наурызбай аудандық ПБ мен Алатау аудандық ПБ-ға қарасты полиция бөліміндегі әріптестерімен бірлесіп жүргізді.
– Жедел-іздестіру іс-шаралары барысында күдіктілер ұсталды. 34 жастағы Д.есімді азамат – негізгі айыпталушы. Ол көліктердің есігін ашып, рөлге отырған. 33 жылғы И.есімді азамат, ол көлік ұрлауға көмектескен. Жедел-іздестіру іс-шаралары барысында қаскөйлердің қаланың Алатау және Наурызбай аудандарында екі Toyota Highlander көлігін ұрлап кеткендігі анықталды. Бұл көлік табылды және тәркіленді, заттай айғақ ретінде қылмыстық іс материалдарына тіркелді, – деді Алматы қалалық ПД Криминалдық полиция басқармасының бастығы Қуатбек Науатов.
Сонымен қатар ұрланған көліктердің бірін тексеру барысында арнайы тоғы бар бағдарламашы және ұсталған адамның суреті бар жалған көлік жүргізуші куәлігі, басқа да жеке деректері табылды және тәркіленді.
Қазір полиция қызметкерлері ұсталғандардың қалада жасалған осыған ұқсас қылмыстарға қатысы бар-жоғын тексеріп жатыр. Тергеу барысында күдіктілер қамауға алынды.
