Ақпараттық медиа-портал POLISIA.KZ

ШҚО-да пробация қызметінен 10-ға жуық жазасын өтеуші жасырынған

ШҚО-да пробация қызметінен 10-ға жуық жазасын өтеуші жасырынған, – деп хабарлайды Polisia.kz.

Шығыс Қазақстан облысының пробация қызметінің қызметкерлері демалыс және мереке күндері күшейтілген қызмет атқарады.

Осылайша, полиция қызметкерлерімен бірге пробация қызметінің қызметкерлері 10-ға жуық есепке алынған адамдарды іздестірді, олар пробация қызметінің бақылауынан әдейі жасырынған.

Пенитенциарлық жүйенің қызметкерлері криминалдық полиция қызметкерлерімен бірлесіп іздеуде жүрген адамдарды ұстау бойынша жұмыс жүргізді. Сот үкімімен бостандықта түзелу мүмкіндігі берілген есепке алынған адамдар пробация қызметіне тіркелу үшін келуге, тұрғылықты жерінің өзгергені туралы, сондай-ақ тұратын жерінің шегінен тыс жерге жоспарланатын сапарлар туралы хабардар етуге міндетті. Алайда, сотталған тұлғалар сот үкіміне қарамастан, жазаны өтеу шарттарын жиі бұзады және жазаны өтеуден жалтарады.

– Жақын арада есепте тұрған адамдарға жазасын өтеуден жалтару қиын болады. Ағымдағы жылдың сәуір айынан бастап оларға электронды білезік тағыла басталды, оның көмегімен пробация қызметінің қызметкерлері жасырынып қалған есепке алынған адамдардың тұрған жерін оңай анықтай алады, – деді Солжағалау ауданының пробация қызметінің аға инспекторы Каим Ожиканов.

Осылайша, криминалдық полициямен бірге пробация қызметінің қызметкерлері үйлесімді жұмыс жүргізді. Нәтижесінде 10-ға жуық есепке алынғандар ұсталды.

Сондай-ақ оқыңыздар

Жауап қалдыру