Павлодарда отбасылық-тұрмыстық қатынастар аясында 2000-нан астам тәуекел бағалауы жүргізілді, – деп хабарлайды Polisia.kz.
«Полиция жұмысының қазақстандық сервистік моделі» пилоттық жобасын іске асыру шеңберінде Павлодар полициясының учаскелік инспекторлары отбасылық-тұрмыстық қатынастар аясындағы шақыруларға қызмет көрсету кезінде бағалау парағын толтыра отырып, жәбірленушілерге сауалнама жүргізді.
– Кейін барлық материалдар біздің бөлімшеге жіберіледі, онда біз тәуекелді бағалау мониторингін өткіземіз. Әрқайсысымен әңгімелесулер өткіземіз, тәуекелі жоғары жәбірленушілерге ерекше назар аударылады, онда әрбір жәбірленушімен және құқық бұзушымен отбасылық жанжалдың туындау себептерін нақтылай отырып, жеке әңгімелер жүргізіледі. Алдын алу полиция жұмысының негізгі бағыттарының бірі екенін бәріміз білеміз. Біз отбасыларға көмектесуге тырысамыз, оларға кеңес береміз, медиаторлар мен психологтарды, сондай-ақ барлық мемлекеттік органдар мен үкіметтік емес ұйымдарды қосамыз, – деді Павлодар қаласы ПБ әйелдерді зорлық-зомбылықтан қорғау жөніндегі топ инспекторы Әсем Рақымова.
Полиция бүгінгі күні 2054 тәуекел бағалауы жасалғанын нақтылады. Талдау көрсеткендей, барлық сауалнамаға қатысқандардың ішінен тәуекел деңгейі анықталады, оның ішінде стандартты – 1628, орташа – 385, жоғары – 41.
Стандартты тәуекел деңгейіне бір адамның екіншісін қорлайтын тәртібінің немесе бақылауының тұрақты үлгісі жатады. Осы жылдағы деректер жақын арада елеулі зиян келтіру ықтималдығын көрсетпейді. Осы деңгейдегі жәбірленушілермен полицейлер профилактикалық әңгімелесу жүргізеді, ақпараттық материалдар, түрлі көмек қызметтерінің байланыстарын ұсынады және кері байланыс механизмін түсіндіреді.
Тәуекелдің орташа деңгейіне бір адамның екіншісіне зорлық-зомбылық пен бақылаудың тұрақты моделі немесе жиі зорлық-зомбылық жатады. Егер қандай да бір арандатушылық оқиға орын алса, қылмыскер ауыр зиян келтіруі мүмкін (мысалы: кетуге тырысады, өзін қорғайды және т.б.). Осы деңгейдегі жәбірленушілермен полицейлер агрессорды уақытша оқшаулауды көздейді, агрессорды емдеуге көмек көрсетіледі, сот қорғауы, психологиялық және заң көмегі, медициналық және әлеуметтік көмекті ұйымдастыру, балаларға көмек беру қамтамасыз етіледі, жағдайға тұрақты мониторинг (аптасына 1 рет) қамтамасыз етіледі.
Тәуекелдің жоғары деңгейіне бір адамның екіншісіне бақылауының экстремалды деңгейі немесе тұрақты зорлық-зомбылық жатады. Жәбірленушіге құқық бұзушы тарапынан зиян келтіру қаупі бар. Зорлық-зомбылық оқиғасы кез келген уақытта болуы мүмкін және оның салдары ауыр болады. Осы деңгейдегі жәбірленушілермен полицейлер дағдарыс орталығына шұғыл оқшаулауды, жедел сот арқылы қорғауды – куәгер ретінде қатысуды (әкімшілік қамауға алу, айыппұл, ерекше талап), агрессорды уақытша оқшаулауды, агрессорды емдеуді қамтамасыз етуге көмек көрсетуді, оның жұмыс орны бойынша профилактикалық әңгімелесуді, медициналық, әлеуметтік, психологиялық және заң көмегін ұйымдастыру мен қамтамасыз етуді, көмек көрсетуді жүргізеді, балаларға ҮЕҰ-ға көмек көрсетуді үйлестіру, есепке алу, жағдайды тұрақты мониторингтеу (мәртебесі өзгергенге дейін аптасына 3 рет) енгізіледі.
