Алматы облысында ер адам колонияға телефонды шұжық ішіне жасырып өткізбек болған, – деп хабарлайды Polisia.kz.
Алматы қаласы, Алматы және Жетісу облыстары бойынша қылмыстық-атқару жүйесі департаментінің №12 барынша қауіпсіздігі жоғары мекемесіне тыйым салынған заттарды өткізуге әрекет жасалды. Телефонды шұжықтың ішіне жасырған ер адам оларды бандероль арқылы жіберді.
Мекеме қызметкерлерінің қырағылығының арқасында заңсыз өткізу фактісінің жолы кесілді. Бандерольден ішінен шыққан MI телефоны тәркіленді.
– Аталған факті бойынша ҚР ӘҚБтК-нің 481-бабы бойынша материал жиналып, ер адамға қатысты шешім қабылдау үшін сотқа жіберілді, – деді ҚАЖД бастығының орынбасары Қанат Ашов.
