Павлодарда ішімдікке салынып, үйіне оралмаған әйел табылды, – деп хабарлайды Polisia.kz.
Із-түзсіз жоғалған адамдарды іздеу – полиция қызметінің маңызды бағыттарының бірі. Әрбір өтініште жоғалған адамдар мен олардың туыстарының тағдыры, әрқашан көмекке келуге дайын полиция қызметкерлерінің орасан зор жұмысы мен еріктілердің күш-жігері бар.
– Полицияға Павлодар қаласының тұрғыны 18 мамырда үйден кетіп, сол күні қайтып оралмаған 45 жастағы әпкесін табуға көмек сұрады. Ол келесі күні де келген жоқ, байланысқа шықпады, – дейді Павлодар облысы полиция департаментінің баспасөз қызметі.
Жедел қызметкерлер жоғалған әйелді анықтау үшін белгілі бір іздестіру жұмыстарын жүргізді, таныстары және оның мүмкін болатын жерлері тексерілді. 10 күннен кейін ол қаладағы жалдамалы пәтерлердің бірінде табылды, онда ол достарымен бірге болған.
Шытырман оқиғалар мен ішімдіктің салдарынан оның жақындарына хабарлауға уақыты болмады.
– Неге мені іздеу керек, менің туыстарым мен үшін соншалықты алаңдауы мүмкін деп ойламаппын, – деді кетіп қалған әйел полицияға.
Айта кетейік биыл із-түссіз жоғалған 31 азамат іздестіріліп, 17-нің жүрген жері анықталды. Полицейлер азаматтарға жоғалған туыстары мен жақындары туралы полицияға бірден хабарлау қажет екенін еске салады. Полицияға неғұрлым тезірек барсаңыз, жоғалған адамды табу мүмкіндігі соғұрлым жоғары болатынын есте ұстаған жөн.
Сондай-ақ облыс тұрғындарын туған-туыстарына қайда екендерін де хабарлауын сұраймыз. Кету кезінде әрқашан жақындарыңызға ескерту жасаңыз. Егер сіздің бір жерде болуыңыз ұзаққа созылса, отбасыңызға қоңырау шалыңыз және кешігетініңізді ескертіңіз.
