Астана қаласының полицейлері сауда орталығында жасалған ұрлықты ашты, – деп хабарлайды Polisia.kz.
Полицияға сауда орталығының қызметкері жүгініп, белгісіз адам дүкеннен спорттық аяқ киімді ұрлап әкеткенін айтып арызданған.
Жедел-іздестіру іс-шараларын жүргізу кезінде полиция қызметкерлері ұрлыққа қатысы бар 31 жастағы ер адамды анықтады.
Тергеу барысында қаскүнем клиент кейпінде сауда залына келіп, тауарларды қарағаны белгілі болды. Ол өз еркімен қораптан екінші аяқ киімді алып шыққан, содан кейін қауіпсіздік магнитін алып тастап, аяқ киімді киіп дүкеннен кетіп қалған. Оның ұрланған мүлікті басқа тұлғаға қайта сатқаны анықталды.
Аталған факті бойынша сотқа дейінгі тергеп-тексеру жүргізілуде, оның елорда аумағында жасалған басқа да осыған ұқсас қылмыстарға қатысы бар-жоғы тексеріледі.
Полиция сауда нүктелерінің иелеріне сақ болуға, жұмыс орнын қараусыз қалдырмауға кеңес береді. Объектілерді бейнебақылау камераларымен жарақтандыру және дүкендерде ұрлықтан қорғау шараларының сенімді кешендерін енгізу қажет.
