Жамбыл полицейлері жасөспірімдер қылмысының алдын алу бойынша жұмысты қорытындылады, – деп хабарлайды Polisia.kz.
2024 жылдың 7 айында Жамбыл облысы ПД ювеналды полиция бөлімшелері кәмелетке толмағандар арасындағы құқық бұзушылықтар мен қылмыстардың алдын алу тиімділігін арттыруға бағытталған іс-шаралар кешенін жүзеге асырды.
Іс-шаралар нәтижесінде ішкі істер органдарына түрлі құқық бұзушылықтар үшін 6344 кәмелетке толмаған бала жеткізілді. 382 жасөспірім мен 160 тұрмысы нашар отбасы есепке алынды. Жағымсыз мінез-құлқы бар 18 кәмелетке толмаған бірнеше рет құқық бұзушылық жасағаны үшін балалар мен жасөспірімдерге арналған арнайы мектепке жіберілді, 50 ата-ана немесе оларды алмастыратын адамдар құқықтарынан айырылды.
Аталған кезеңде жастар мен жасөспірімдердің шоғырлану орындарын тексеруге бағытталған 1645 бірлескен рейд жүргізілді, оның барысында 9828 әкімшілік хаттама жасалды, оның ішінде спирттік ішімдіктерді пайдаланғаны үшін – 18, ұсақ бұзақылық жасағаны үшін – 110, оқудан жалтарғаны, қаңғыбастығы және қайыр сұрағаны үшін – 617, түнгі уақытта қараусыз қалғаны үшін 5468 заңды өкіл жауапкершілікке тартылды, Жүргізілген рейдтік іс-шаралар кезінде 20 жағдайда спирттік ішімдіктерді тұтынудың алдын алынды. Барлығы 225 жасөспірім кәмелетке толмағандарды бейімдеу орталығына орналастырылды.
Талдауға сәйкес, 2024 жылдың 7 айының қорытындысы бойынша кәмелетке толмағандардың қатысуымен жасалған қылмыстарда 18,2%-ға төмендеу тіркелді. Олардың ішінде ауыр қылмыстар мен ауырлығы аз қылмыстар, бөтеннің мүлкін ұрлау, мал ұрлау, алаяқтық және көлік ұрлау қылмыстары төмендеген.
Қылмыстық жауапкершілікке тартылған кәмелетке толмаған адамдар бойынша төмендеу 26,3%-ды құрады. Олардың ішінде жалпы білім беретін мектеп оқушылары, колледж студенттері мен ЖОО студенттері арасында қылмыстар саны азайды. Жасөспірімдер қылмысының алдын алу шараларынан басқа, кәмелетке толмағандарға қатысты қылмыстардың, оның ішінде жасөспірімдердің жыныстық тиіспеушілігіне қарсы қылмыстардың алдын алу бойынша жұмыс жүргізілді.
Кәмелетке толмағандарға қатысты қылмыстың 33,3%-ға төмендегені байқалады. Олардың ішінде зорлау, 16 жасқа толмаған адамдармен жыныстық қатынас және жастардың теріс жолға түсуі азайған. Кәмелетке толмағандарға қатысты қылмыстардың алдын алу және болдырмау мақсатында есепті кезеңде прокуратура, білім беру және денсаулық сақтау органдарымен үш мыңнан астам, оның ішінде мектептерде және оларға іргелес аумақтарда екі мыңнан астам бірлескен рейд жүргізілді.
