Ақмола полицейлері қарттар күні қарсаңында ІІО ардагерімен кездесті, – деп хабарлайды Polisia.kz.
Қарттар күнін мерекелеуге арналған іс-шаралар шеңберінде, сондай-ақ ішкі істер органдарының қызметкерлерін патриоттық және адамгершілік тәрбиелеу мақсатында осы жылдың 25 қыркүйегінде Ақмола облысы полиция департаментінің музейінде дөңгелек үстел өтті. Отставкадағы полиция полковнигі Серік Бариевич Аркенов жас әріптестеріне қонаққа шақырылды.
Іс-шара достық әңгімелесу түрінде өтті, Серік Бариевич қазіргі қызметкерлермен өзінің естеліктерімен бөлісті, қызметтік жылдары туралы айтып берді, сондай-ақ жас полицейлерге ізгі тілегін білдірді.
Серік Аркенов 33 жылын ішкі істер органдары қатарында қызмет етуге арнады. Көптеген жылдар бойы ол жеке құрамды оқытумен және тәрбиелеумен айналысты, бұл жұмысқа Қаз КСР ІІМ кіші және орта басшы құрамын даярлау мектебінің қарауыл бастығы лауазымында қызмет еткеннен кейін кірісті.
1997 жылы қызметтегі бай тәжірибесін ескере отырып, Серік Аркенов Көкшетау қаласы ІІБ бастығының Кадрлық, тәрбие және әлеуметтік-құқықтық жұмыс жөніндегі орынбасары лауазымына тағайындалды. Кездесу барысында жас қызметкерлер ардагерге әртүрлі тақырыптар бойынша сұрақтар қойды.
Іс-шара соңында Серік Аркенов қазіргі қызметкерлерге қызметте табыс және қойылған міндеттерді орындау кезінде жоғары кәсібилікке ұмтылуларын тіледі.
