Түркістан облысында полиция 1,5 млн теңгеден астам айыппұлы бар тұрғынды анықтады, – деп хабарлайды Polisia.kz.
Түркістан облысы Ордабасы ауданының патрульдік полиция қызметкерлері “Қорғау” жүйесінің көмегімен айыппұлын төлемеген Hyundai Elantra автокөлігінің жүргізушісін анықтады.
Яғни “Қорғау” бағдарламасы арқылы борышкердің автокөлігі полиция планшетіне түсті. Осыдан соң полицейлер көлікті Шымкент – Самара тас жолында тоқтатты.
Тексеру кезінде автоледидің жеке тасымалдаумен айналысатыны анықталды. Ал айыппұлының басым көпшілігі жылдамдықты арттырумен байланысты.
Сот орындаушысының қаулысына сәйкес, Hyundai Elantra автокөлігі иесінің 1,5 миллион теңгеден астам төленбеген айыппұлы бары белгілі болды.
Заң талаптарына сәйкес полиция көлікті айыптұраққа қойып, жүргізушіге айыппұлдарды уақытылы төлеу қажеттілігі туралы түсіндірді.
