Қазіргі уақытта құқық қорғау органдарының жұмысы жоғары кәсібилікті ғана емес, сонымен қатар адамгершілік және патриоттық қасиеттердің болуын талап етеді. Дәл осы бағыт тәрбие және кадр жұмысы басқармасына жүктелген, жыл басынан бері Алматы облысының полициясы қатарына 203 үміткер қатаң іріктеуден өтті, – деп хабарлайды Polisia.kz.
Алматы облысы ПД бастығының орынбасары Арман Тіленшиннің сөзінше, басқарманың негізгі мақсаты – жоғары білікті, сауатты және кәсіби маманды ғана емес, сондай-ақ моральдық-этикалық қағидаттары бар қызметкерлерді қалыптастыру.
– Басқарма мамандары жаңа кадрларды іріктеумен айналысады, оларды оқытуды, қайта даярлауды және жұмыс істейтін қызметкерлердің біліктілігін арттыруды ұйымдастырады, сондай-ақ тәрбие жұмысына белсенді қатысады, – деп атап өтті Арман Тіленшин.
Алматы облысы полициясының қатарына кандидаттарды іріктеу кәсіби кадрларды қалыптастырудағы маңызды кезеңдердің бірі болып саналады. Басқарма өзін қоғамға және заңға қызмет етуге арнауға дайын жас мамандарды тартуға ерекше назар аударады. Әрбір үміткер білімін, физикалық дайындығын және жеке қасиеттерін тексеруді қамтитын қатаң іріктеуден өтеді. Полиция қатарына кірудің негізгі критерийлері – жауапкершілік, адалдық және қоғамның игілігі үшін қызмет етуге дайын болу. Осы жылдың 9 айында Алматы облысының полициясына 203 жаңа үміткер қабылданды. Әрбір жас қызметкерлердің бойында кәсіби дағдаларды қалыптастыруға және қызметінің құқықтық негіздерін түсінуге көмектесетін тәжірибелі тәлімгерлер бекітілген.
Сонымен қатар басқарма қызметкерлері қолданыстағы қызметкерлердің заңдылық пен этика нормаларын сақтауына ерекше назар аударады.
– Жыл басынан бері жеке құрам бойынша инспекция 50-ден астам рейдтік тексеру жүргізді, оның қорытындысы бойынша әртүрлі бұзушылықтар анықталып, тәртіптік шаралары қабылданды. Тәртіптік комиссияның 35 отырысы өткізіліп, 264 қызметкерге арнаулы атақтар берілді.
Айта кету керек, жеке құрам мәдени және спорттық іс-шараларға белсенді қатысады, бұл ұжымның рухын нығайтуға және қызметкерлердің моральдық жағдайын жақсартуға ықпал етеді. Тәрбие жұмысында ұрпақтар арасындағы байланысты сақтауға ерекше көңіл бөлінеді. Аға буындар жас қызметкерлерге өздерінің білімдерімен, тәжірибелерімен және дәстүрлерімен бөліседі, бұл қызметтің кәсіби және патриоттық негіздерін нығайтуға ықпал етеді. Полиция ардагерлерімен тұрақты кездесулер жас мамандарға өз кәсібінің маңыздылығы мен жауапкершілігін тереңірек түсінуге көмектеседі, – деп толықтырды А.Тіленшин.
Осылайша, Алматы облысының полициясы кәсіби және патриоттық кадрларды қалыптастыру бойынша жұмыстарын жүйелі негізде жүргізеді. Қызметкерлерді сауатты іріктеу, даярлау және тәрбиелеу арқылы қызмет өз жұмысының тиімділігін арттыруға ғана емес, қоғамның сенімін нығайтуға да ұмтылады.
