Қостанай облысында 13 мың адам қоғамдық орындарда масаң күйде пайда болғаны үшін қамауға алынды, – деп хабарлайды Polisia.kz.
2 мың адамға жалпы сомасы 197 млн теңге айыппұл салынды. Өңірде «Мәдени қоғам» жобасы қалай жүзеге асырылып жатқаны туралы айтылды.
Алкоголь халықтың денсаулығына үлкен қауіп төндіріп, облыстың әлеуметтік – экономикалық дамуына нұқсан келтіреді, сондай-ақ өңірдегі криминогендік жағдайға теріс әсерін тигізеді.
Полицияның мәліметінше, аймақтағы әрбір төртінші қылмыс мас күйінде немесе қатты масаң күйінде жасалады. Бұл көрсеткіш бойынша Қостанай облысы (25,9%) Шығыс Қазақстан облысынан кейін республикада екінші орында тұр (26,8%).
Ішімдік ішкендермен аймақта 23 кісі өлтіру, 86 денсаулыққа ауыр зиян келтіру жағдайы орын алды, оның 21-і өліммен аяқталды. Сонымен қатар 111 отбасылық-тұрмыстық қылмыс тіркелді.
10 ай ішінде қоғамдық орындарда алкоголь ішкені үшін немесе мас күйінде болғаны үшін полиция 15,5 мыңнан астам адамды әкімшілік жауапкершілікке тартты, оның 3 мыңға жуығы — осы заңбұзушылықты бірнеше рет қайталағаны үшін жазаланды. Бұл қоғамдық тәртіптің бұзылуы мен маскүнемдікке қатысты күрделі мәселенің барын көрсетеді.
Қоғамдық орындарда масаң күйде пайда болғаны үшін 13 мың адам қамауға алынды және 2 мыңы жалпы сомасы 197 млн теңге көлемінде айыппұл арқалады.
Маскүнемдерді, қоғамдық тәртіпті бұзушыларды және отбасылық дебоширлерді қоса алғанда, тәуекел тобындағы адамдарға полицияның қадағалауын күшейтуге ерекше назар аударылып жатыр. Бұл аймақтағы қылмыс деңгейін төмендетуге және азаматтардың қауіпсіздігін арттыруға ықпал етуі тиіс.
Мәселен, Қостанайда күніне 50-ге жуық мас адамды полиция арнайы орталыққа орналастырады. Облыс бойынша ағымдағы жылдың басынан бері осындай орталықтарға 22,5 мың адам жеткізіліп, олардың 20,5 мыңы орналастырылды.
Полиция қызметкерлері тіпті үйде де ішімдік ішуге тыйым салу тәжірибесін белсенді қолданып келеді. Бір жыл ішінде сот алкогольді ішуге тыйым салған 3 мыңнан астам адамды полиция есепке алды.
Осы тыйымдарды бұзғаны үшін 3,5 мыңға жуық адам қамауға алу жазасын өтеген (10 күн). Ерекше талаптарды бұзғаны үшін қамауға алу түріндегі баламасыз санкция қарастырылғанын атап өткен жөн.
Айта кету керек, 500-ге жуық адам жыл басынан бері бірнеше рет әкімшілік қамауға алынды. Мысалы, Жітіқара қаласының тұрғыны жыл басынан бері 14 рет жауапкершілікке тартылып, 295 тәулік (жылдың 80,8%) әкімшілік қамауға алынды.
Бүгінгі таңда облыста алкоголь сататын 5 мыңнан астам саудасы нысаны жұмыс істейді. Биыл 153-не қатысты лицензияны тоқтата тұру және 9-ын лицензиядан айыру арқылы заңды бұзған 260-қа жуық кәсіпкер әкімшілік жауапкершілікке тартылды. Бұған қарамастан, алкогольді заңсыз сату мәселесі әлі де өзекті.
Сонымен қатар масаң күйде жасалатын қылмыстың алдын алудың тиімді тетіктерінің бірі-мәжбүрлеп емдеуге жолдама. 10 айдың ішінде полицейлер алкогольді асыра пайдаланған 292 адамды емдеуге жіберді.
Алкоголизмге және онымен байланысты құқық бұзушылықтарға қарсы күрестің тиімділігін арттыру үшін осы жылдың қыркүйек айында 2025 жылға дейін жұмыс істейтін «Мәдени қоғам» жобасы іске қосылды.
Жоба аясында алкогольді бөлшек саудада сатуға қойылатын талаптарды қатаңдату, сондай-ақ алкоголизмнен зардап шегетін адамдар үшін инфрақұрылымды кеңейту жоспарлануда.
Бұл бағыттағы қадамдардың бірі Қостанайдағы уақытша бейімдеу және детоксикация орталығының қуатын 25-тен 100 төсек-орынға дейін ұлғайту, сондай-ақ облыстың басқа аудандарында осындай жаңа орталықтардың ашылуы болып табылады.
Тобыл қаласында маскүнемдіктен зардап шегетін азаматтарға медициналық көмек көрсету және уақытша бейімдеу үшін 10 төсек-орынға арналған жаңа орталық ашылды. Болашақта Лисаков, Жітіқара және Қарабалық аудандарында осындай орталықтар ашу жоспарлануда.
Жоба аясында Қостанайда емханалар базасында (орталық және оңтүстік бөлігі үшін) және өңірдің 73 ауылдық округінде екі қосымша медициналық куәландыру пункті ашылды.
Денсаулық сақтау басқармасымен бірлесіп фельдшерлік акушерлік пункттері бар аудандар мен ауылдық округтер бойынша сараптама жүргізу үшін сертификаты бар медицина қызметкерлерінің санын ұлғайту жоспарлануда.
Сонымен қатар қоғамдық комиссиялардың әкімдіктері жанынан ең беделді тұрғындар (ақсақалдар) алкогольді асыра пайдаланатын адамдардың мінез-құлқына моральдық баға беретін болады. Қоғамдық айыптау жүйесі жұмыс істейді.
Полиция алкоголь өнімдерін өткізу жөніндегі заңнаманы сақтау тұрғысынан сауда пункттері бойынша волонтерлік қозғалыстарды, БАҚ өкілдері мен жұртшылықты тарта отырып, рейдтік іс-шараларды жиі өткізуді жоспарлап отыр.
«Мәдени қоғам» жобасы Қостанай облысының тұрғындары арасында қоғамдық тәртіпті жақсарту және салауатты өмір салтын қалыптастыру үшін жаңа мүмкіндіктер береді.
Алкогольдің салдарынан туындайтын қылмыстың алдын алудағы мұндай кешенді тәсіл өңір тұрғындары үшін неғұрлым қауіпсіз және салауатты орта құруға мүмкіндік береді, бұл жаман әдеттерден арылған мәдени қоғамды қалыптастыруға ықпал етеді.
