Абай облысында полиция учаскелері жаңарады, – деп хабарлайды Polisia.kz.
Семейде учаскелік полиция пункттерінің жаңа дәуірі басталды. Қала әкімі Талғат Мұратов пен қалалық полиция басшысы Қайрат Әбдіғалиев сол жағалауда орналасқан учаскелердің жағдайымен танысты. Қаладағы 18 учаскелік пункттің басым бөлігі жаңартуды қажет етеді.
Жөндеу жұмыстары белсенді түрде басталып кетті: өткен жылы екі пункт – УПП 12 «Батыс» және УПП 13 «Орталық» – заманауи ғимараттарға көшті. Жаңа учаскелерде азаматтарды қабылдауға арналған жайлы бөлмелер, қызметкерлерге арналған кабинеттер, сондай-ақ ана мен бала бөлмесі секілді ерекше жаңашылдықтар қарастырылған.
– Полицейлердің жайлы жағдайы – бұл қала тұрғындарының қауіпсіздігі мен сенімі. Әр жаңарған учаске – қауіпсіз әрі заманауи қалаға жасалған қадам», – деп атап өтті Талғат Мұратов.
Жөндеу жұмыстары тек ғимаратты емес, полицияға деген халық сенімін де нығайтуға бағытталған.
