Түркістан облысы полиция департаментінің бастығы Мұрат Қабденов полицей қыз-келіншектерді мерекелерімен құттықтап, ҚР ІІМ, полиция департаменті басшылығы атынан арнайы дайындалған марапаттарды табыстады, – деп хабарлайды Polisia.kz.
ПД бастығы М.Қабденов қыз-келіншектерді келе жатқан мерекемен құттықтап, тілегін жеткізді.
- Құрметті қыз-келіншектер! Сіздер қоғамымыздағы кез келген салада абыройлы еңбек етіп, елдің дамуына өз үлестеріңізді қосып келесіздер. Оның ішінде ішкі істер саласындағы Сіздердің қызметтеріңізді жоғары бағалап, құрмет көрсетеміз, - деді ол.
Сондай-ақ ішкі істер органдарында өзінің қызметтік міндеттерін адал әрі мінсіз атқарып жүрген әйел қызметкерлерді марапаттау рәсімі өтті.
Атап айтсақ, ҚР ІІМ-нің "Құқық тәртібін қамтамасыз етуге қосқан үлесі үшін" медалімен полиция подполковнигі Ж.Әбдібекова, полиция майоры Д.Сейдалиева, "Ішкі істер органдарының үздігі" төсбелгісімен полиция майоры Ж.Нұржігітова марапатталды. Ал ҚР ІІМ-нің алғыс хаты полиция майоры Э.Альшерова, полиция капитаны А.Құлмағамбетова, полиция ардагері А.Бекбауоваға берілді.
Сондай-ақ департамент бастығының грамотасы мен алғыс хаты полиция подполковнигі М.Әбдіқадырқызы, полиция подполковнигі А.Смағұл, полиция аға лейтенанты Г.Абдужаппарова бастаған шенді аруларға бұйырды.
Шара соңы өнерлі полицейлер мен облыс өнерпаздарының концерттік бағдарламасымен ұласты.
