Алматыда жасырын есірткі қойып кетуші ұсталды, – деп хабарлайды Polisia.kz.
Алматы қаласы есірткі қылмысына қарсы күрес бөлімінің қызметкерлері жедел іс-шаралар барысында синтетикалық есірткіні сақтады және таратты деген күдікпен жас келіншекті ұстады.
- Жеке тінту кезінде одан зат салынған жиырмадан астам байлам тәркіленді, сараптама қорытындысы бойынша, ол "альфа-PVP" екені расталды. Психоактивті зат аса қауіпті есірткі санатына жатады. Сондай-ақ ұялы телефон тәркіленді. Тергеу бойынша ол арқылы заңсыз әрекеттерді үйлестіру іске асқан болуы мүмкін. Күдікті уақытша ұстау изоляторына қамалды. Оған қатысты сотқа дейінгі тергеу амалдары жүргізіліп жатыр, - деді Алматы қалалық ПД есірткі қылмысына қарсы күрес басқармасының бастығы Мұрат Жұмабаев.
Полиция азаматтарды қырағы болуға шақырады. Интернеттегі "оңай ақша" туралы күмәнді ұсыныстарға келіспеңіз. Есірткі таратуға, тіпті белгі қоюшы ретінде де қатысу, қатаң жазаға, соның ішінде ұзақ жылдарға бас бостандығынан айыру қарастырылған.
