Павлодарда интернет-алаяқтықтың алдын алуға байланысты ауқымды шаралар өткізілуде, - деп хабарлайды Polisia.kz.
Полиция екінші деңгейдегі банктермен бірлесіп және Антифрод-Орталық платформасы арқылы 360 шотты бұғаттады, оның 10 млн. жуығы жәбірленушілерге қайтарылды.
Полиция Павлодарда интернет-алаяқтықтың алдын алуды тұрақты негізде жүргізеді. Полиция қызметкерлері профилактикалық жұмыс барысында облыс тұрғындарына қатысты түрлі қызметтер көрсету, соның ішінде банк саласында, мобильді байланыс және интернет арқылы алаяқтық әрекеттер тіркеліп жатқаны туралы ақпарат жеткізді. Көбінесе қылмыстық қол сұғушылықтан зардап шеккен азаматтар жаңадан пайда болған алаяқтық түрлері мен тәсілдері туралы білмейді, бір жағдайда немесе басқа жағдайда өздерін қалай қорғау керектігін білмейді.
- Облыс орталығында жыл басынан бері мыңнан астам алаяқтық тіркелген. Қала полициясы ауқымды профилактикалық жұмыстар жүргізеді: жадынамалар, бейнероликтер мен билбордтар орналастырады, стадиондарда, сауда орталықтарында, көлікте және жағалауда ескертулер таратады. Зейнеткерлер мен жастарға ерекше көңіл бөлінеді, үй аралау, еңбек ұжымдары мен оқу орындарында дәрістер өткізіледі, - дейді Павлодар қалалық полиция басқармасы.
Полиция тұрғындарды қырағы болуға және бейтаныс адамдарға ақша аудармауға шақырады.
