Павлодар облысы бойынша ҚАЖ департаментіне қарасты №46 мекеме қызметкерлері режимдік нысан аумағына тыйым салынған заттарды өткізудің жолын кесті, – деп хабарлайды Polisia.kz.
Мекеменің өндірістік аймағына Volvo автокөлігі кірген. Көлікті тексеру барысында Oppo телефоны мен қуаттағыш табылды. Жүргізуші аталған заттарды мекеме аумағына жасырын алып кіруге әрекет жасаған.
Осы дерек бойынша тиісті материалдар жиналды. Тыйым салынған заттар белгіленген тәртіппен тәркіленді.
ҚАЖ департаменті түзеу мекемелеріне тыйым салынған заттарды енгізу әрекеттері заңнамаға сәйкес жауапкершілікке әкелетінін еске салады.
