Павлодар облысында екі көлік соқтығысып, салдарынан төрт адам жарақат алды, – деп хабарлайды Polisia.kz.
2 тамызда Павлодар қаласында сағат 09:50-де Баймолдин-Н.Назарбаев көшелерінің қиылысында «Лада Ларгус» және «Тойота-Камри» маркалы автокөліктердің соқтығысуы орын алды.
Одан әрі «Лада Ларгус» автокөлігінің жүргізушісі қозғалысты жалғастырып, қоқыс контейнеріне соғылды, содан кейін «Ауди» және «Лада» автокөліктеріне соғылған. Кейін, қозғалысты жалғастырып, Совхозная 25/2 көшесіндегі үйдің қабырғасына соғылды.
Жол-көлік оқиғасы салдарынан «Лада Ларгус» автокөлігінің 60 жастағы жүргізушісі түрлі жарақаттармен ауруханаға жеткізілді. «Лада Ларгус» автокөлігінің үш жолаушысы дәрігерлер тексергеннен кейін үйлеріне жіберілді.
Осы факт тіркелді, тексеру жүргізілуде, сараптама тағайындалды.
