Алматыда тұрғындарды 120 миллион теңгеге алдап соққан адам сотталды, – деп хабарлайды Polisia.kz.
Әңгіме Қытайдан арнайы техниканы сату және жеткізу деген сылтаумен қала тұрғындарын 120 миллион теңгеге алдап соққан С.есімді азамат туралы болып отыр.
– Қылмыстық іс-материалдары бойынша С.азамат ерекше үлкен мөлшерде алаяқтық жасауға бағытталған жоспарды жасады. Ол ұрлық тізбегін болжамдады, ол үшін Алматы қаласында компанияны тіркеу, жалақы мөлшерлемесі бар, ықтимал құрбандармен келіссөз жүргізе алатын, кеңсе бөлмелерін жалдауға және «икемді» шарттармен арнайы техниканы сату туралы жарнама орналастыруға қабілетті менеджерлерді табу қажет болды. Сондай-ақ, қылмыскер бір реттік сыйақы төлеп, фирманы сауатсыз адамға тіркеген. Осылайша, осы тізбек бойынша әрекет ете отырып, қаскөй ірі габаритті техниканы сатып алғысы келген екі азаматты алдаған. Бірінші жағдайда сатып алушы жеткізілім үшін 80 миллион теңге төлесе, екіншісінде 40 миллион төлеген. Алайда, уәде етілген тауарлар олардың қарамағына түскен жоқ, – деді Алматы қаласы ПД Тергеу басқармасы бастығының міндетін атқарушы Ерғали Ибраимов.
Жәбірленушілер полицияға жүгінгеннен кейін С.азамат бірден ұсталды. Қылмыстық іс ҚР ҚК-нің 190-бабы 4-бөлімі бойынша тергелді. Күдікті қамауға алынды. Оның кінәсі дәлелденді.Жоғарыда айтылған ауыр санаттағы заңсыз әрекеттерді жасағаны үшін С.азамат алты жыл сегіз айға бас бостандығынан айырылды. Үкім заңды күшіне енді.
