Атыраулық полицейлер құжатсыз мал тасымалдаған екі адамды ұстады, - деп хабарлайды Polisia.kz.
Атырау облысының Қызылқоға ауданы полицейлері Миялы-Индер тас жолы бойында мал тиелген УАЗ көлігін тоқтатқан.
- Көліктегі 34 бас қойдың арасында таңбаланбағандары бар және малдың тиісті құжаттары жоқ болып шықты", - деп хабарлады Қызылқоға аудандық полиция бөлімі бастығының бірінші орынбасары Ақылбек Жұмабеков.
Мал тасымалдаған Батыс Қазақстан облысының екі тұрғынына қатысты ҚР Әкімшілік құқық бұзушылық туралы кодексінің 406-бабы (Қазақстан Республикасының ветеринария саласындағы заңнамасын бұзу) бойынша хаттама толтырылды.
Тәркіленген 34 бас қой арнайы мал ұстау орнына жеткізілді.
