Атырау облысында өңірдегі экологиялық құқық бұзушылықтардың алдын алу мақсатында рейдтік шаралар өткізілуде, – деп хабарлайды Polisia.kz.
«Шара мақсаты күзгі-қысқы аңшылық мерзімдерінде заңсыз аңға шығу және табиғатты қорғау заңнамасын бұзу фактілерін анықтау. Полиция қызметкерлері далалықта, ерекше қорғалатын табиғи аумақтарда, сондай-ақ теңіз жағасындағы қамыс өртінің алдын алу, болдырмау мақсатында әуесқой аңшылар мен балықшылар арасында түсіндіру жұмыстарын жүргізуде, – деп хабарлады Департамент бастығы.
Рейд кезінде Алғабас ауылының тұсындағы далалықтан УАЗ, Нива-Шевроле автокөліктері тоқтатылды. Әуесқой аңшылықпен айналысқан екі азаматқа қатысты (Жануарлар дүниесін пайдалану талаптарын, аң аулау қағидаларын бұзу) бойынша әкімшілік хаттамалар толтырылды.
