Ақтөбе облысында ауыл тұрғыны дала қояндарын заңсыз атып тастаған, – деп хабарлайды Polisia.kz.
21 желтоқсан күні сағат 01.50-де Ырғыз аудандық полиция бөлімінің қызметкерлері Ырғыз ауданы Жаныс би кентінен 20 шақырым жерде 34 жастағы жергілікті тұрғынның басқаруындағы «ВАЗ-2114» автокөлігін тоқтатты. Автокөлікті тексеру кезінде жүксалғышынан төрт атылған қоянның еті, «ИЖ-17» маркалы 16 калибрлі бір ұңғылы тіркелмеген аңшылық мылтығы және прожектор табылды. Ауыл тұрғыны дала қояндарын заңсыз атып тастағанын мойындады.
Аталған факті бойынша ҚР ҚК 337-бабы 1-бөлімі (Заңсыз аңшылық) бойынша қылмыстық іс тіркелді.
Полиция қызметкерлері аң аулауды ұнататындарды саналы болуға және белгіленген стандарттар мен тәртіптерден аспауға шақырады, өйткені егер олар немқұрайлы қараса, аңшыларға ауыр айыппұл, тіпті екі жылға дейін бас бостандығынан айыру қаупі төнуі мүмкін.
