21 наурыз күні полиция бөліміне жергілікті тұрғындардан көршілес жалдамалы пәтердегі түнгі тыныштықты бұзу фактісі бойынша хабарлама келіп түсті. Оқиға Махамбет көшесінде орналасқан көпқабатты үйдің пәтерлерінің бірінде орын алған, – деп хабарлайды Polisia.kz.
Хабарлама бойынша №2 учаскелік полиция пунктінің қызметкерлері тексеру жұмыстарын жүргізді. Нәтижесінде аталған жалдамалы пәтерден жезөкшелікпен айналысатын Алматы және Түркістан облысының екі тұрғыны анықталып, оларға қатысты ҚР ӘҚБтК-нің 437-бабымен (Тыныштықты бұзу) және ҚР ӘҚБтК-нің 492-бабымен (Қазақстан Республикасында тiркеусiз не жеке басты куәландыратын құжаттарсыз тұру) хаттамалар толтырылды.
Сонымен қатар, тәртіп сақшылары пәтерді жалға берудің заңдылығын тексеру мақсатында Атырау қаласының Мемлекеттік басқармасына мәліметтер жолдады.
