Алматы полициясы қалада интерактивті жол белгілері не үшін орнатылғанын түсіндірді, – деп хабарлайды Polisia.kz.
Алматы қаласы ПД Әкімшілік полиция Басқармасы бағдарлама әкімшісімен бірге 9 сәуірде 14 сағат 37 мин. Талғар трактісі мен Хантенгри көшесінің қиылысында (Думан шағынауданынан шығу), ҚР СТ 1412-2017 «Жол қозғалысын реттеудің техникалық құралдары. Қолдану ережелері» (4.7-тармақ. Көп позициялы басқарылатын жол белгілерін (тақталарын) өзгермелі ақпаратпен пайдалануға рұқсат етіледі, оларды пайдалану шарттары осы стандарттың талаптарына сәйкес келуі керек), электрондық жол белгісі пайдалануға берілді (4.1.1 «Тіке алға қозғалу» және 4.1. 5 «Тіке алға немесе солға қарай қозғалу).
– Бұл белгі SMD LED технологияларын қолдана отырып, EN12966 еуропалық стандартына сәйкес жасалған және жол белгілерінің түрлі-түсті кескінін жоғары ажыратымдылықпен көрсетуге мүмкіндік береді, бұл жүргізушілердің белгіні қабылдау қателігін жояды. Жол белгілерінің қажетті суреті тәуліктің уақытына сәйкес (бағдарламаға сәйкес) немесе АТЦС басқару орталығынан қашықтықтағы қозғалыс жағдайына сәйкес арнайы электронды блок арқылы көрсетіледі. Ауыспалы ақпараты бар қозғалыс белгісінің жұмыс режимі 06 сағат 00 минуттан бастап 11 сағат 00 минутқа дейін, 4.1.1 «Тіке алға қозғалу» және 11 сағат 00 минуттан 6 сағат 00 минутқа дейін, 4.1.5 «Тіке алға немесе солға қарай жүру». Бұл көлік қозғалысын реттеудің жаңа техникалық құралдары қаланың жол желісіне кеңінен енгізу, күрделі көлік түйіндерінде басқарудың икемді (интеллектуалды) режимдерінің жұмысын қамтамасыз ету үшін орнатылды, – деді Алматы қалалық ПД Әкімшілік полиция басқармасының бастығы Жандос Мұраталиев.
Сонымен қатар, спикердің айтуынша, 1 сәуірден бастап шаһарда жол белгілерін жаңарту жұмыстары жүргізілуде.
– Жыл сайын жол-техникалық инспекциясының қызметкерлері жол қауіпсіздігін қамтамасыз ету шеңберінде жол желісіне көктемгі тексеріс жүргізеді. Қолайлы жағдайдың басталуына байланысты қалада жол белгілері жаңартыла бастады, ең алдымен тұтас сызық, қарсы жолақта келе жатқан көліктердің қарсы қозғалыс жолағына шығып кетпеуі үшін, жаяу жүргіншілер өткелдерінде, жаяу жүргіншілерді басып кетпеуі үшін. Бұл бояу жұмысы тәулік бойы жүргізілетін болады. Полиция қызметкерлері автокөліктерді алып тастау және олармен соқтығысуды болдырмау түрінде белгілерді жаңарту топтарына көмек көрсетеді, – деді Жандос Мұраталиев.
