Алматыдағы мектеп оқушылары ЖҚЕ сабағын өтті, – деп хабарлайды Polisia.kz.
Шаһардың барлық жалпы білім беретін мектептерінде «Жолда жүру ережелері» сабағы өтті. Бірінші сынып оқушыларына тәртіп сақшылары жол қозғалысы ережесін үйретті.
– Балалар – біздің болашағымыз, сондықтан олардың өмірі мен денсаулығына ештеңе қауіп төндірмеуі өте маңызды. Жол – жарақат алу мен өлім қаупі жоғары орын болып қала беретіндіктен, бала кішкентай кезінен бастап көшеде жүру ережелері мен іс-әрекетін білуі керек. Жоспарланған іс-шаралар аясында балалардың алған білімдерін тәжірибеде қолдану дағдылары қалыптасады. Балалар жолда жүру ережелері туралы білімдерін толықтырды, өз тәжірибелерімен бөлісті, жүріс бөлігінен қалай дұрыс өту керектігін айтты. Бүгінгі бірінші сынып оқушыларының жол қозғалысы ережелері туралы түсінігі бар екенін атап өткім келеді, бұл отбасындағы және балабақшалардағы балалардың қауіпсіздігіне тиісті назар аударылғанын көрсетеді, – деді Алматы қалалық ПД Жергілікті полиция қызметі басқармасының бастығы Манап Саттаров.
Мектеп оқушыларына жол қозғалысы ережелері туралы иллюстрациялық бояу кітапшалары, буклеттер, брошюралар жасалды. Барлық сайыстар мен сұрақ-жауаптар ойын түрінде өтті. Балаларға қауіпсіз жүріс-тұрыстың маңыздылығын күн сайын еске салу қажет.
– Білім күні қарсаңында біз мұғалімдермен кездесулер өткіземіз, оның барысында оқу процесі кезінде мектеп оқушыларының қауіпсіздігі мәселелері шешіледі. Біз сіздерді жол қозғалысы ережелерін зерделеу бойынша сыныптардың тәжірибелік сабақтарға дайындығын тексеруге, барлық қажетті үгіт-әдістемелік құралдарды сатып алуға, жаңа оқу жылына жол қозғалысы ережелері бойынша оқу жоспарын құруға шақырамыз. Мұндай тығыз және үйлестірілген өзара іс-қимыл, біздің ойымызша, балалардың жол-көлік жарақаты мен апаттарын азайтуға, қаладағы жол қозғалысын тұрақтандыруға өте тиімді әсер етеді, – деді Манап Саттаров.
