Қарағанды облысында тау-кен өндіру кәсіпорнынан материал ұрлаған ұры ұсталды, – деп хабарлайды Polisia.kz.
20 қыркүйекте Қарағанды облысы Қарқаралы ауданының полиция бөлімінің қызметкерлері Қарағанды-Қарқаралы тас жолының учаскелерінің бірінде кезекші болды. Сағат 01.00 шамасында олар бір нәрсе тиелген көлікті байқады. Аудандағы елді мекендердің бірінің 36 жастағы тұрғыны басқарған бұл көлікті тәртіп сақшылары тоқтатты.
Полицейлер көлікті тексеру кезінде жүк салғыштан резеңке таспаның орамын тауып алды. Бұл материал тау-кен кәсіпорнынан ұрланған болып шықты. Келтірілген шығын көлемі 865 мың теңгені құрады.
ҚР ҚК 188-бабы (Ұрлық) бойынша қылмыстық іс қозғалды. Қазіргі уақытта тергеу жүріп жатыр.
