Абай облыстық ҚАЖД сотталғандарға мәдени іс-шара ұйымдастырылды, – деп хабарлайды Polisia.kz.
Абай облысы бойынша қылмыстық-атқару жүйесі департаментінің қауіпсіздігі орташа мекемесінде сотталғандар үшін 2025-2026 жылдарға арналған мәдени-бұқаралық және спорттық іс-шараларды ұйымдастыру жоспары шеңберінде мәдени-ағарту іс-шарасы өтті.
Абай облысының мәдениет, тілдерді дамыту және мұрағат басқармасының қосымшасына сәйкес Семей қаласының орталық қалалық кітапханасының қызметкерлері сотталғандарды рухани-адамгершілік тәрбиелеуге және оларды ұлттық әдебиетке тартуға бағытталған "Оралханның тәрбиелік ойлары" атты кино көрсетілімін ұйымдастырды.
Іс-шара аясында көрнекті қазақ жазушысы Оралхан Бөкейдің шығармашылығына арналған кітап көрмесі ұйымдастырылды. Көрменің негізгі мақсаты сотталғандарды автордың көркем мұрасымен таныстыру, отандық әдебиетке деген қызығушылықты арттыру және рухани-мәдени құндылықтарды дәріптеу болды.
Көрмеде әр жылдары жарық көрген жазушының таңдаулы шығармалары ұсынылды. Атап айтқанда, қатысушылардың назарына "Қар қызы", "Атаукере", "Біздің жақта қыс ұзақ", "Сайтан көпір"атты әңгімелер жинағы ұсынылды.
Оралхан Бөкейдің шығармалары адамдардың тағдырын, олардың ішкі әлемін, туған жеріне деген сағынышын, сондай-ақ адамның табиғатпен нәзік және үйлесімді қарым-қатынасын терең ашады. Іс - шара барысында сотталғандар жазушының өмірі мен шығармашылық жолы туралы ақпарат алып, ұсынылған шығармаларға қызығушылық танытты, – деп атап өтті кітапхана қызметкері.
– Осындай мәдени-ағартушылық іс-шараларды өткізу сотталғандарды қайта әлеуметтендіру процесінде маңызды рөл атқарады. Ұлттық әдебиет классиктерінің шығармаларымен танысу рухани дамуға, адамгершілік бағдарларды қалыптастыруға ықпал етеді және сотталғандарға өмірлік құндылықтарды жаңаша түсінуге көмектеседі. Біз жазасын өтеп жатқан адамдардың ой - өрісін кеңейтуге және мәдени дамуға бағытталған бастамаларды одан әрі қолдайтын боламыз, – деп атап өтті мекеме бастығының орынбасары Жасұлан Аринов.
