Абай облысы бойынша ҚАЖД-да “Өнегелі отбасы” республикалық байқауына іріктеу өтті, – деп хабарлайды Polisia.kz.
Қазақстан Республикасы Президентінің бастамаларына сәйкес және Тәуелсіздік идеяларын іске асыру шеңберінде Абай облысы бойынша ҚАЖ департаментінде «Өнегелі отбасы» конкурсына іріктеу өткізілді. Іс-шараға Абай облысы бойынша ҚАЖД мекемелерінің қызметкерлері мүше болған төрт отбасы қатысты.
«Өнегелі отбасы» байқауының мақсаты – қоғамдағы үлгілі отбасы институтының жаңа имиджін ілгерілету, дәстүрлі отбасылық құндылықтарды дәріптеу және жаңа қазақстандық отбасы мәртебесін көтеру.
Қатысушыларды Абай облысы бойынша ҚАЖ департаменті бастығының орынбасары Роллан Жұмажанов, ардагерлер кеңесінің төрағасы Мұратқазы Ахметжанов, №20 мекеме бастығы Арслан Мұхаметжанов және ардагерлер кеңесінің хатшысы Ботогоз Жабагина бағалады.
Байқау үш кезеңнен өтті. Алдымен қатысушылар өздерінің отбасыларын таныстырып, өздерінің спорттық және шығармашылық жетістіктері туралы айтып, отбасылық фотосуреттерін көрсетті. Үшінші кезеңде қатысушылар өз отбасы туралы бейнематериал дайындап көрсетті.
«Өнегелі отбасы» негізгі Республикалық байқауына қатысуға жолдаманы және Абай облысы бойынша жеңісті № 20 мекеменің жедел бөлімінің жедел уәкілі Дархан Досалимов жеңіп алды.
– Іріктеу байқауын өткізгенге дейін біз қатысушыларды жауапты және өз жұмысын білетін қызметкерлері ретінде білдік, бүгін олардың қандай жар мен ата-аналар екенін көрдік. Біздің жұмысымыздың күрделілігіне қарамастан, олардың отбасылары басқаларға үлгі болатынына өте қуаныштымыз, – деп бөлісті Абай облыс бойынша ҚАЖ департаментінің тәрбие және кадр жұмысы бөлімінің бастығы Райгүл Саугабаева.
