Абай облысы бойынша ҚАЖД қызметкерлері ІІО ардагерлері мен Ұлы Отан соғысының тыл еңбеккерлерін Халықаралық қарттар күнімен құттықтады, – деп хабарлайды Polisia.kz.
Қылмыстық-атқару жүйесі қызметкерлері мен Ардагерлер кеңесінің төрағасы аға әріптестері мен тәлімгерлеріне зор денсаулық, амандық тілеп, сыйлықтар табыс етті.
Қалыптасқан дәстүр бойынша Абай облысы бойынша ҚАЖД-ға қарасты №21 мекемесінің қызметкерлері ардагерлер кеңесінің төрағасымен бірге ішкі істер органдарының ардагерлері мен зейнеткерлерін, Ұлы Отан соғысының тыл еңбеккерлерін Халықаралық Қарттар күнімен құттықтады.
№21 мекеме тiзiмiнде барлығы 150-ге жуық IIO зейнеткерi бар. Олардың ішінде өмірлік тәжірибесі мен даналығын сақтаған ардагерлердің орны бөлек. Бұл зейнеткерлердің ішінде 70 жастан асқан 12 адам және 5 тыл ардагері бар. Олардың әрқайсысы еліміздің тарихында айрықша орын алады.
№21 мекеме қызметкерлерiнiң айтуынша, 1 қазан – аға буынның жасын еске түсіру емес, қарт адамдарға ерекше көңіл бөлу күні, қамқорлық пен қолдау көрсетудің тағы бір себебі. Әр ардагердің өмір жолы – тарих беттеріндегі қымбат мұра. Дәстүр бойынша мереке қарсаңында мекеме қызметкерлері ардагерлерге арнайы барып, сый-сияпат жасап, жүрек жылуын сыйлайды. Барлығына зор денсаулық, тамаша көңіл-күй, жігер мен көтеріңкі көңіл-күй тіледі.
