Абай облысы ПД бастығы Бородулиха ауданына іссапармен барды, – деп хабарлайды Polisia.kz.
Абай облысы ПД бастығы Эльдар Данияров Бородулиха ауданына іссапармен барып, жаңа полиция бөлімінің басшысын таныстырып, оған алдағы жұмысқа қатысты маңызды тапсырмалар берді.
Жұмыс сапары барысында Абай облысы полиция департаментінің бастығы Эльдар Данияров Бородулиха аудандық полиция бөлімінің жаңа бастығы Асет Абылқасымовты жеке құрамға ресми түрде таныстырып, оған қызметтік жұмыстарды ұйымдастырудағы негізгі тапсырмаларды жүктеді.
Департамент басшысы аудандағы қоғамдық тәртіп пен қауіпсіздікті қамтамасыз ету, құқықбұзушылықтардың алдын алу шараларын күшейту, азаматтардың өтініштеріне жедел әрекет ету, сондай-ақ халықпен жұмыс сапасын арттыру және сервистік бағыттағы тәсілді қолдану сияқты басымдықтарды атап өтті.
Заңдылықты, қызметтік тәртіп пен кәсіби этиканы қатаң сақтау, сыбайлас жемқорлық көріністеріне жол бермеу және ұжымда тұрақты моральдық-психологиялық ахуалды қалыптастыру жөніндегі арнайы талаптар да аталып өтілді.
Сонымен қатар жеке құрамға Қазақстан Республикасы ІІМ-де жүргізіліп жатқан реформалар туралы ақпарат беріліп, олардың полиция жұмысының тиімділігін арттыруға және азаматтардың сенімін нығайтуға бағытталғаны айтылды.
Кездесу қорытындысында департамент бастығы қойылған тапсырмаларды сапалы орындаудың және Бородулиха ауданының тұрғындарының құқықтық тәртібі мен қауіпсіздігін қамтамасыз ету бойынша жүйелі жұмысты жалғастырудың маңызын атап өтті.
