Абай облысы қауіпсіздігі орташа мекемесінде сотталған неке қиды, — деп хабарлайды Polisia.kz.
Семей қаласының қауіпсіздігі орташа мекемесінде 27 жастағы сотталған өзінің 25 жастағы сүйіктісімен некесін қиды. Жас жұбайлардың некесін тіркеуді "Неке (ерлі-зайыптылық) және отбасы туралы" Қазақстан Республикасының Кодексіне сәйкес АХАТ қызметкері жүргізді. Салтанатты шараның барлық дәстүрі карантиндік шектеулерді сақтай отырып өткізілді.
27 жастағы сотталған Алматы облысының тұрғыны, 2022 жылы жалған төлем карточкаларын жасағаны үшін үш жыл мерзімге бас бостандығынан айырылды.
— Сүйіктімізбен біз бірінші сыныптан он бірінші сыныпқа дейін сыныптас болдық. Мен ғашық болдым. Оның отбасы ауқатты жанұя болды, мен алкогольді асыра пайдаланған ата-анаммен бірге өстім, өмір сүруге қаражат аз болды. Бірақ әр мерекеге мен оған сыйлық табуға тырыстым, — деп бөлісті сотталған.
— Некені тіркеу әдеттегіден өзгеше емес. Енді қалыңдық мекемеге келіп, неке қию рәсіміне жазбаша түрде келісім беруі керек. Әрі қарай қызметкерлер жергілікті АХАТ-қа өтініш береді. Осыдан кейін олардың некелері қылмыстық-атқару жүйесі мекемесінде тіркеледі, - деп атап өтті сотталғандар арасындағы тәрбие және әлеуметтік-психологиялық жұмыс бөлімінің бастығы Мақсат Серікханов.
