Абай облысында есептегі сотталған мемлекеттен грант ұтып, фотосалон ашты, – деп хабарлайды Polisia.kz.
Абай аудандық пробация қызметкерлері жазасын өтеп жүрген азаматты «Бастау Бизнес» жобасы бойынша оқу курсына жолдаған. Курс аяқталғаннан кейін кәсіпкерлікті дамыту жөніндегі ұлттық жоба шеңберінде бизнес идеяны іске асыруға арналған грантқа қатысып, комиссияның шешімі бойынша мемлекеттен 1 250 000 мың теңге көлемінде өтеусіз грант ұтып алып, фотосалон ашты.
– Өз кәсібімді ашып, облысымыздың дамуына үлесімді қосып жатқаныма қуаныштымын. Мен ұзақ уақыт шешім қабылдай алмадым. Мені «Мен істей аламын ба? Мен жетістікке жете аламын ба?» деген сұрақтар мазалады. Кейін мен есепте тұрған пробация қызметінің инспекторымен ақылдастым. Ол мені тыңдап, «Бастау Бизнес» жобасы бойынша оқу курсынан өтуді ұсынды. Бұл шешім маған жаңа өмірге жол ашты. Курс аяқталғаннан кейін мен кәсіпкерлікті дамыту жөніндегі ұлттық жоба шеңберінде бизнес идеяны іске асыруға грант алуға қатыстым. Мемлекеттен 1 250 000 мың теңге көлемінде өтеусіз грант ұтып алдым. Бүгін фотосалон ашып, бірнеше қала тұрғынын жұмысқа қабылдадым. Облысымыздың дамуы үшін біз тынымсыз жұмыс істейтін боламыз, – дейді жазасын өтеуші Н.
