Абай облысы полиция департаментінің бастығы Эльдар Данияров Бородулиха ауданына жұмыс сапары барысында аудандағы ауыл мектептерінің бірін аралап, қауіпсіздік шараларының ұйымдастырылуымен танысты, - деп хабарлайды Polisia.kz.
Сапар кезінде күзет пен кіру режимін, бейнебақылау жүйесінің жұмысын, дабыл батырмаларының қолжетімділігін, сондай-ақ қызметкерлердің төтенше жағдайларға дайындығын тексерді. Мектеп әкімшілігіне қауіпсіздік шараларын күшейту және мүмкін осал тұстарды жою бойынша нақты тапсырмалар берілді.
Арнайы назар алдын алу шараларына аударылды. Эльдар Данияров оқушыларға қауіпсіздік сабағын өткізді. Сабақ барысында балаларға қоғамдық орындардағы мінез-құлық ережелері, жол қозғалысы қауіпсіздігі, интернеттегі қауіптерден сақтану шаралары және төтенше жағдайларда әрекет ету тәртібі түсіндірілді.
Кездесудің қорытындысында баса айтылғаны: балалардың қауіпсіздігі — отбасы, мектеп және қоғамның ортақ жауапкершілігі. Жүйелі алдын алу шаралары мен төтенше жағдайларға дайындық — оқушылар үшін қауіпсіз оқу ортасын қамтамасыз етудің негізгі шарты.
