Абай облысында полицейлер оқушыларға қауіпсіздік сабақтарын өткізді, – деп хабарлайды Polisia.kz.
Полиция қызметкерлері балаларға заңды құрметтеудің маңызын және оның әрбір азаматты қалай қорғайтынын түсіндірді. Сабақ барысында көшеде қауіпсіз жүріп-тұру дағдыларына көңіл бөлінді. Полицейлер жолды қалай дұрыс кесіп өту керектігін, қауіпті жағдайларда қандай әрекет жасау қажеттігін және кімнен көмек сұрауға болатынын баяндап берді.
Абай ауданында мұндай оқыту бастауыш сынып оқушыларымен жүйелі түрде өткізіледі. Бұл – балаларда алғашқы мектеп кезеңінен бастап жауапкершілік сезімін және тәртіп сақтау дағдыларын қалыптастыруға бағытталған жұмыс.
Мектеп әкімшілігінің айтуынша, осындай кездесулер балалар жарақатының алдын алуға және заңға бағыну мәдениетін нығайтуға оң ықпал етеді.
