Кайнар колледжінде Абай облысы полиция департаменті криминалдық полиция басқармасының киберқылмыспен күрес жөніндегі топтың аса маңызды істер жөніндегі аға жедел уәкілі Тимур Ельчубаев студенттермен кездесті, – деп хабарлайды Polisia.kz.
Дәрістің мақсаты – жастардың киберқауіпсіздік және интернет-қатерлерден қорғану жолдары туралы хабардарлығын арттыру.
Дәріс барысында Ельчубаев студенттерге киберқылмыстардың түрлері, оның ішінде алаяқтықтың кең таралған схемалары және қаскүнемдердің жеке деректерді алу әдістері туралы айтты. Сонымен қатар ол ақпаратты қорғаудың негізгі жолдарын айтты: күрделі құпия сөздер құру, екі факторлы аутентификацияны пайдалану және белгісіз сілтемелерге өтуде сақ болу.
Студенттер талқылауға белсене қатысып, желідегі қауіпсіздік, әлеуметтік желілердегі аккаунттарды қорғау және онлайн-төлемдерге байланысты қауіп-қатерлер туралы сұрақтар қойды. Полиция қызметкері хабардар болудың маңыздылығын атап өтіп, қатысушыларды алынған білімді іс жүзінде қолдануға шақырды, осылайша ықтимал қатерлерден қорғануға болатынын айтты.
Мұндай іс-шаралар жастар арасында киберқауіпсіздік деңгейін арттырып, сандық әлемде жеке ақпаратты қорғауға жауапкершілікпен қарауға ықпал етеді.
