Абай облысында полиция автокөлік нөміріне қатысты заңбұзушылықты тоқтатты, - деп хабарлайды Polisia.kz.
Абай облысында жолдағы кез келген схемаларға — айқын бұзушылықтардан бастап жауапкершіліктен қашуға дейін — нөлдік төзімділік қағидасы бойынша жұмыс жалғасуда. Кезекті оқиға Семей қаласында тіркелді: полиция қызметкерлері жалған мемлекеттік нөмірлермен жүрген автокөлікті анықтады.
Бұл жағдайға себеп болған — Атырау облысының тұрғынының хаты: ер адам атына өзі жасамаған жол ережесін бұзғаны үшін айыппұлдар келе бастағанын хабарлаған. Абай облысы полиция департаменті әкімшілік полиция басқармасының іздестіру тобы жедел шаралар ұйымдастырып, 33 жастағы Семей тұрғысының басқа аймақ тұрғынына тиесілі нөмірді қолданғанын анықтады.
Анықталғандай ер адам BMW X5 автокөлігін басқа адамның мемлекеттік нөмірімен жүргізген. Нәтижесінде барлық айыппұлдар нөмірдің нақты иесіне келіп отырған. Полиция бұл әрекетті жол қауіпсіздігі мен тәртіпке тікелей қауіп төндіретін қасақана нөмір ауыстыру деп бағалады.
Бұзушылық фактісі расталды. Автокөлік арнайы айып тұрағына қойылды, құжаттар белгіленген тәртіппен рәсімделді.
Жалған мемлекеттік нөмірді қолданғаны үшін заң бойынша жауапкершілік қарастырылған: 15 АЕК көлемінде айыппұл, әкімшілік қамақ — 5 күнге дейін және көлік басқару құқығынан 1 жылға айыру.
Абай облысы полиция департаменті еске салады: мемлекеттік нөмір — "қосалқы бөлшек" емес, ол көліктің заңды идентификаторы. Жеке бұзушыны жасыру немесе жауапкершілікті басқа адамға аудару әрекеттері анықталады, және кінәлілерге заңда көзделген шаралар қолданылатын болады.
