ҚАЖ қызметкерлері Семей қаласындағы ең көрікті үйде тұратын ІІМ ардагерін қала күнімен құттықтады, — деп хабарлайды Polisia.kz.
Абай облысында қала күнін мерекелеу аясында қауіпсіздігі аралас мекеме қызметкерлері Семей қаласының ең ерекше, әрі танымал үйлерінің бірінде тұратын ҚАЖ ардагеріне барып, құттықтап қайтты. Бұл үйді ардагердің атасы салған, онда оның ата-анасы тұрған. Мекеме қызметкерлері ардагерді қала күнімен құттықтап, естелік сыйлықтар тарту етіп, оның еңбегіне, кәсібилігіне және қылмыстық-атқару жүйесінің дамуына қосқан үлесіне зор ризашылықтарын білдірді. Бейресми әрі шынайы атмосферада жылы лебіздер мен құрмет сөздері айтылды.
Владимир Васильев зымыран әскері қатарында аса шұғыл мерзімді әскери қызмет өткере жүріп, өмірін әскери қызметпен байланыстыратынын ерте түсінген. 1985 жылы Өзбекстан Республикасы ІІМ жоғары өрт-техникалық училищесін бітірген соң, Қазақстан Республикасы ІІМ өрт күзеті қызметінде еңбек жолын бастады. Кейін Владимир Васильев Қазақстан Республикасы ІІМ құрылыс-монтаж басқармасында және ҚР ІІМ Құрылыс департаментінде басшылық қызметтер атқарды.
2000 жылы тыл департаментінде бас инспектор қызметін атқара жүріп, подполковник шенінде құрметті демалысқа шықты. Қазір ардагер өз үйінде тұрып жатыр және өзіне ерекше ыстық үйіне күнделікті күтім жасаумен айналысады.
— Құрылыс – бұл біздің отбасылық құндылық. Ол маған арғы атамнан берілген. Бұл үй менің атама тиесілі болған, ол оны өзі ойлап тауып, өзі салған. Ал мен тек мұраны сақтап келемін. Қаламыздағы бұл үйдің ертегіге ұқсас, ең әдемі үй деп танылатынына мақтанамын. Үйдің бар сұлулығын сақтап, сырлап, тазалап отыру үшін көп күш пен сабыр керек, бірақ мен бұл іспен айналысқанды жақсы көремін. Бұл істе әрқашан жан жарым Нина Геннадьевна көмектеседі. Ол маған әрдайым сенімді дос болды. Бір фильмде айтқандай, оның мамандығы – офицердің жары. Аслан Бақытбекұлы басшылық ететін мекеме ұжымына мереке қарсаңында менің үйіме келіп, құрмет көрсеткендері үшін алғысымды білдіремін, – дейді ардагер қуанышпен.
Ардагер қызмет жылдарындағы естеліктерімен қуана бөлісіп, қызықты әрі тәрбиелік мәні бар оқиғаларды айтып, жас қызметкерлерге адалдық пен жауапкершілікті басты орынға қоюдың маңыздылығын атап өтті.
Мұндай кездесулер – буындар сабақтастығын нығайтып, ведомствоның ең жақсы дәстүрлерін сақтауға септігін тигізетін игі дәстүрге айналған. Мереке күндері осындай ардагерлерді еске алып, құрмет көрсету – аса маңызды іс.
