Абай облысы бойынша ҚАЖ департаментінің № 20 мекемесінің қызметкерлері "Этноауылда" сотталғандардың қолымен жасалған қазақтың ұлттық ыдыстары мен музыкалық аспабын ұсынды,- деп хабарлайды Polisia.kz.
Семейде Бейбітшілік аралында ұлы ақын және ойшыл Абай Құнанбаевтың 180 жылдығына арналған "Этноауыл" болды. Ертіс жағалауындағы мерекелік алаң ұлттық дәстүрлерді сақтауға және насихаттауға арналған ауқымды мерейтойлық бағдарламаның бір бөлігіне айналды.
Этноауылдың ерекшелігі - мәдени дәстүрді көрсету. Қазақ дәстүрлерінен басқа, мұнда басқа этностардың тұрмысы мен мәдениеті ұсынылған. Іс-шараға Абай облысы бойынша ҚАЖ департаментінің № 20 мекемесінің қызметкерлері қатысып, Қазақ ұлттық ыдыс-аяқтарының көрмесін ұйымдастырды.
Іс-шараның мақсаты - қала тұрғындары мен қонақтарының назарына Қазақ ұлттық ыдыстары мен қазақ аспаптарының уақытына қарамастан өзінің танымалдығы мен құндылығы бар екенін жеткізу болды.
Іс-шарада барлығы он беске жуық зат қойылды. Барлық зат мекеме аумағында орналасқан ағаш өңдеу цехында, сотталғандардың қолымен жасалған. Бұл мекемеде жазасын өтеп жатқан сотталғандар ағаштан жасалған ыдыс-аяқ пен музыкалық аспаптарды тарту етті.
- Қазақтың ұлттық ыдыстары өте әдемі және көз жанарын алады. Біз қазақ халқының мәдениетін, салт-дәстүрін бағалаймыз. Ұлы Ақынның 180 жылдығына орай біз ағаштан жасалған ыдыс-аяқ пен музыкалық аспабтарды ұсындық. Дәл осы заттарды біз арнайы таңдадық, өйткені Абай Құнанбаевқа жас жазушылар мен ақындар жиналып, дастархан басында отырған уақытта, домбыра әуенімен біз қазір білетін шығармалар дүниеге келді, - деп атап өтті мекеме бастығының орынбасары Серік Жанғасқанов.
