Абай облысында ҚР кикбоксингтен еңбек сіңірген спорт шебері сотталғандармен кездесті, — деп хабарлайды Polisia.kz.
ҚР ІІМ ҚАЖК «№ 20 мекемесі» РММ-де есірткі таратқаны үшін сотталғандармен Қазақстан Республикасының кикбоксингтен еңбек сіңірген спорт шебері, 4 дүркін әлем чемпионы, 2 дүркін Азия ойындарының чемпионы, кәсіпқойлар арасында Азия чемпионы, екі дүркін әлем кубогының чемпионы Бауыржан Құдайбергенов кездесті. Ол жаза басқан азаматтарға ақыл-кеңес айтып, мотивация берді.
Бұл кездесудің басты мақсаты — патриоттық, физикалық, зияткерлік және рухани дамуға және салауатты өмір салтына ықпал ету. Сондай-ақ салауатты өмір салтын насихаттау.
№20 мекеме бастығының міндетін атқарушы Жеңісбек Дәуренбеков спортты адамдарды жақындастыратын құрал ретінде ғана емес, сонымен бірге мекеме ішіндегі азаматтарды спортқа баулып, олардың өз күштеріне сенуіне, жаман әдеттер мен әділетсіз әрекеттерден бас тартып, өмірге жаңа көзқараспен қарауына мүмкіндік беретін бастапқы қадам болуға тиіс екенін атап өтті.
