Абай облысында заңсыз алкоголь сату әрекеті тоқтатылды, - деп хабарлайды Polisia.kz.
Жыл басынан бері Абай облысының аумағында полиция қызметкерлері заңсыз түрде суррогат алкоголь өнімін сатудың екі фактісін анықтады. Жедел іс-шаралар барысында күмәнді шығу тегі бар 106 литр спиртті сұйықтық тәркіленді.
Құқық бұзушылар алкоголь өнімдерін тиісті рұқсат құжаттарынсыз заңсыз сатумен айналысқан, бұл қолданыстағы заңнама талаптарын бұзу болып табылады. Оларға қатысты Қазақстан Республикасының Әкімшілік құқық бұзушылық туралы кодексінің 463-бабы (Тиісті тіркеусіз немесе рұқсатсыз кәсіпкерлік немесе өзге де қызметпен айналысу) бойынша әкімшілік материалдар толтырылды. Қарау нәтижелері бойынша кінәлі тұлғалар әкімшілік жауапкершілікке тартылды.
Заңсыз сатылатын алкоголь өнімдері міндетті сертификаттаудан және сапа бақылауынан өтпейтіндіктен, азаматтардың денсаулығы мен өміріне елеулі қауіп төндіреді. Суррогат спиртті қолдану ауыр улануға, қайтымсыз салдарларға және тіпті өлімге әкелуі мүмкін.
Спиртті өнімдерді заңсыз сатуды болдырмау – құқық қорғау органдарының басым міндеттерінің бірі. Абай облысының полициясы заңсыз алкоголь айналымының жолын кесу және осы құқыққа қайшы әрекеттермен айналысатын адамдарды жауапкершілікке тарту бойынша белсенді жұмыстарды жалғастыруда.
