Абай облысының полициясы концертте қауіпсіздікті қамтамасыз етті, - деп хабарлайды Polisia.kz.
Семей қаласында мыңдаған көрерменді жинаған шетелдік әншінің ауқымды концерті өтті.
Қоғамдық тәртіпті сақтау және ықтимал құқық бұзушылықтардың алдын алу мақсатында іс-шараға 270 полиция қызметкері мен 125 Ұлттық ұлан әскери қызметшісі жұмылдырылды.
Құқық қорғау органдарының қызметкерлері тек кіреберіс топтарында және концерт алаңының ішінде ғана емес, сонымен қатар оған іргелес аумақта да қызмет атқарып, кез келген жағдайға жедел әрекет етті. Олардың кәсіби жұмысының арқасында концерт оқыс оқиғасыз өтіп, көрермендер шоуды толық қауіпсіздік жағдайында тамашалады.
Абай облысының полициясы аймақтағы барлық бұқаралық іс-шараларда қоғамдық тәртіп пен азаматтардың тыныштығын қамтамасыз ету бойынша қызметін жалғастырып жатыр.
