Алматы облысының 44 жастағы тұрғыны танысын 92 млн теңгеден астам сомаға сан соқтырған, — деп хабарлайды Polisia.kz.
Ер адам өзін ажырасқан, зауыт иесі ретінде әлеуметтік желі арқылы қыз баламен танысты. Ер адам оның сеніміне кіріп, одан әр түрлі сылтаулармен қаражат сұрай бастағае. Қыз бала оған ақшаны қосымша арқылы аударып отырған. Ақша алу үшін ер адам баласының ауруы, анасын емдеу, әпкесінің, ағасының, анасының қайтыс болуы, жетім қалған жиеніне қамқоршылық үшін деген сылтаулар ойлап тапқан. Бір жыл ішінде ол оған шамамен 92 млн теңге көлемінде материалдық шығын келтірді.
Алынған соманың бір бөлігін, ол бірге тұратын және кәмелетке толмаған бес баланы тәрбиелеп отырған жұбайына берген және қалған 80 миллионды казино ойындарына, алкоголь мен есірткіге жұмсаған. Сот үкімімен оған бес жылға бас бостандығынан айыру жазасы тағайындалды.
- Жазасын өтеу үшін ер адам Абай облысы бойынша ҚАЖД № 20 мекемесіне келді. Онымен тәрбие жұмысы және түсіндіру сипатындағы құқық жүргізіледі, сотталған ағаш бұйымдары мен металл конструкцияларын жасау бойынша ЖШС - ге жұмысқа орналастырылады, алынған жалақымен ол сот үкімі бойынша өзіне тағайындалған талап-арыздарды төлейді, - деп хабарлайды жедел бөлім бастығы Сұңғат Абраев.
- Жеңіл ақша тапқым келген мен салдары туралы ойламадым және менің әрекеттерім басқа адамдарға зиян тигізетінін ойламадым. Мен ақша алған сайын бұл соңғы рет деп ойладым. Бірақ олай емес екен. Әр уақытта ставкалар жасаған уақытта барлық соманы қайтарамын деп ойладым, бірақ ставка басқаша ойналғаннан мен, осы жерге тап болдым. Жастар, сіздер дұрыс өмір сүріңіздер, адал ақша табыңыздар және қолдағы бар нәрсеңізбен мақтаныңыздар. Бостандық кез келген ақшадан жоғары, - деп бөлісті сотталған.
