Әділдік жолында қызмет етіп жүрген тергеушінің бір күні жайлы Polisia.kz. сайтынан оқи отырыңыз.
Павлодар облысы Баянауыл ауданы ПБ тергеушісі Амангелді Әділ өз жұмыс күнін таңертеңгі нұсқаулықтан бастайды. Қызмет барысында ол жедел кезекшіліктен түскен материалдармен танысып, тіркелген қылмыстық істер бойынша жоспар құрып, процессуалдық әрекеттердің ретін анықтайды.
Тергеушінің негізгі міндеті — әрбір істің барлық мән-жайын мұқият зерттеп, шындықты анықтау. Осы мақсатта ол куәгерлерден жауап алып, жәбірленушілермен кездеседі, оқиға орнына шығып, дәлелдемелерді жинақтайды. Қажет болған жағдайда сараптамалар тағайындап, мамандармен бірлесіп жұмыс жүргізеді.
Амангелді Әділ үшін әр іс — жауапкершілікті талап ететін маңызды міндет. Тергеуші қылмыстың ашылуы мен әділ шешім қабылдануына тікелей әсер ететін тұлға болғандықтан, ол күн сайын тиянақтылықты, дәлдік пен сабырлықты талап ететін жұмысты атқарады.
Кешкі уақытта ол жинақталған материалдарды жүйелеп, процессуалдық құжаттарды дайындайды. Тергеушінің күні көбіне жоспарланған уақыттан ұзаққа созылады, себебі әрбір қылмыстық істің сапалы тергелуі — азаматтардың қауіпсіздігі мен заңдылықты қамтамасыз етудің кепілі.
