Алаяққа сенген Ақтөбе тұрғыны ақшасынан айырылды, - деп хабарлайды Polisia.kz
13 қазанда қалалық полиция бөліміне 23 жастағы Ақтөбе қаласының тұрғыны арызданды. Ол осы жылдың тамыз айында өзін несие бөлімінің менеджері ретінде көрсеткен әйелмен танысқанын айтты. Бейтаныс әйел оның пәтер сатып алғысы келетінін біліп, тұрғын үй несиесін ең төменгі пайыздық мөлшерлемемен рәсімдеуге көмек бере алатының және қызметі үшін ақы төлеу қажеттігін айтқан.
Жәбірленуші бейтаныс адамға сеніп, оған шамамен 950 мың теңге берген. Ақшаны алғаннан кейін әйел байланысқа шығуды тоқтатқан.
Жәбірленуші жаңа танысы туралы ештеңе айта алмаса да, полиция қызметкерлері күдіктінің жеке басын анықтады, ол 33 жастағы қала тұрғыны болып шықты.
Осы факті бойынша ҚР ҚК-нің 190-бабы 1-бөлігі (Алаяқтық) бойынша сотқа дейінгі тергеп-тексеру басталды.
